ظہیرعباس کوانڑنیشنل کرکٹ کونسل (آئی سی سی ) ہال آف فیم میں شامل کر لیا گیا ہے

پاکستان کے سابق کرکٹر ظہیرعباس کوانڑنیشنل کرکٹ کونسل (آئی سی سی ) ہال آف فیم میں شامل کر لیا گیا ہے۔

پاکستان کرکٹ بورڈ (پی سی بی) کے چیئرمین احسان مانی نے آئی سی سی ہال آف فیم میں شمولیت پر ظہیر عباس کو مبارکباد پیش کی ہے۔

احسان مانی  نے کہا کہ یہ پاکستان کے لیے اعزاز اور فخر کی بات ہے کہ کرکٹ کی عالمی تنظیم کی جانب سے ظہیر عباس کے شاندار کیرئیر کا اعتراف اور اسے سراہا جا رہا ہے۔

Zaheer Abbas, the latest member of an exclusive club of extraordinary cricketers! 👏 #ICCHallOfFame

MORE ▶ https://t.co/gvbS7NDrNp pic.twitter.com/6q6BHAJq4D

— Pakistan Cricket (@TheRealPCB) August 23, 2020

چیئرمین پی سی بی کا کہنا تھا کہ شائقین کرکٹ ضرور ظہیر عباس کے سحرمیں مبتلا رہے ہوں گے۔

احسان مانی نے کہا کہ پاکستان کرکٹ میں ظہیر عباس کی ایک خاص اہمیت ہے، ان کا نام کرکٹ کھیلنے والے کے ہر گھر کی زینت بنا۔

انہوں نے کہا کہ ظہیر عباس کی کرکٹ سے وابستگی صرف میدان تک ہی محدود نہیں تھی بلکہ انہوں نے بطور ایڈمنسٹریٹر آئی سی سی اور پی سی بی میں بہت باوقار انداز میں خدمات سرانجام دیں۔

چئیرمین پی سی بی احسان مانی نے کہا وہ پرامید ہیں کہ یہ اعزاز نئی نسل کے کرکٹرز کی حوصلہ افزائی کا سبب بنے گا۔

چاچا کرکٹ نے بھی ظہیرعباس کو مبارکباد پیش کی  ہے ۔

Congratulations To Great Zaheer Abbas on becoming a member of extraordinary Cricketers . #ICCHallOfFame

— Chacha Cricket (@chachacricketpk) August 23, 2020

خیال رہے کہ اس سے قبل حنیف محمد ، عمران خان، جاوید میانداد، وسیم اکرم اور وقار یونس کو بھی اس اعزاز سے نوازا گیا ہے۔