امریکی فوج کا عراق کے تاجی ائیر بیس سے انخلا مکمل

امریکہ اور اس کی اتحادی افواج نے عراق میں تاجی ایئربیس سے اپنے فوجی واپس بلا لیے ہیں اور اس کا کنٹرول مقامی افواج کو دے دیا۔

امریکہ اور اس کے اتحادی کے تاجی ائیر بیس پر 7 ہزار 500 فوجی تعینات تھے۔ عراقی فوج کے ترجمان کی جانب سے تصدیقی بیان بھی جاری کردیا گیا ہے۔

خبر ایجنسی نے بتایا ہے کہ امریکی اور اس کی اتحادی فوج نے جس چھاونی کو خالی کیا ہے اس میں آسٹریلوی اور نیوزی لینڈ کے فوجی تعینات تھے۔

تاجی ائیر بیس کالعدم تنظیم داعش سے نبرد آزما ہونے کیلئے قائم کیا گیا تھا۔

گزشتہ چند ماہ کے دوران یہ آٹھواں فوجی کیمپ ہے جس کا انتظام عراق کی ملکی فوج نے سنبھالا ہے۔