بطور کپتان بہت سے چیلنجز کا سامنا رہتا ہے، اظہر علی

By | August 24, 2020
25 Comments

 

قومی ٹیسٹ کرکٹ ٹیم کے کپتان اظہر علی کا کہنا ہے کہ بطور کپتان بہت سے چیلنجز کا سامنا رہتا ہے۔

تفصیلات کے مطابق ویڈیو لنک کانفرنس میں گفتگو کرتے ہوئے قومی ٹیسٹ کرکٹ ٹیم کے کپتان اظہر علی کا کہنا تھا کہ  خوش قسمت ہوں کہ پاکستان ٹیم کی کپتانی کا موقع ملا،بطور کپتان بہت سے چیلنجز کا سامنا رہتا ہے۔

اظہر علی نے کہا کہ  تمام کھلاڑی بہترین فارم میں موجود ہیں ،مثبت سوچ کے ساتھ اگلے میچ پر فوکس کررہے ہیں۔ ہمارے پاس نوجوان اور بہترین کھلاڑی موجود ہیں۔

انہوں نے کہا کہ  میچ کے دوران بارش ہونا کافی مایوس کن ہوتا ہے تاہم  موسم کے لحاظ سے تیسرے ٹیسٹ میں بارش کے امکانات کم ہیں۔

فاسٹ بالرز سے متعلق قومی کپتان کا کہنا تھا کہ  کھیلنے سے ہی فاسٹ بالرز کا تجربہ بڑھے گا۔ پرامید ہوں کہ ہمارے فاسٹ بالرز اچھا پرفارم کریں گے۔

اظہر علی کا کہنا تھا کہ  جیتا ہوا ٹیسٹ میچ ہارنا کھلاڑیوں کے لیے مشکل تھا،جس طرح کھلاڑیوں نے کم بیک کیا بہت بہتر ہے۔کوشش کریں گے کہ تیسرے ٹیسٹ کے نتائج ہمارے حق میں ہوں۔

انہوں نے کہا کہ  کھلاڑیوں کے حوصلے مضبوط ہیں کہ مشکل وقت میں کرکٹ کھیل رہے ہیں۔مجھ سمیت تمام کرکٹرز یہاں بہت خوش ہیں۔

قومی کپتان نے کہا کہ انگلینڈ کی کنڈیشنز ہمیشہ ہی مشکل ہوتی ہیں، کنڈیشنز کے باعث بلے بازوں کو مشکلات کا سامنا رہا۔جو بیٹسمین سیٹ ہوجائے وہ اسکور کررہا ہے۔ ہم نے دونوں ٹیسٹ میں اچھی بیٹنگ کی ہے۔

Click Here for All Latest Sports News 2020

 

25 thoughts on “بطور کپتان بہت سے چیلنجز کا سامنا رہتا ہے، اظہر علی”

Leave a Reply

Your email address will not be published. Required fields are marked *