افغان طالبان کا وفد وزیرخارجہ کی دعوت پر آج رات پاکستان پہنچے گا۔ا

By | August 25, 2020

 

افغان طالبان کا وفد وزیرخارجہ شاہ محمود قریشی کی دعوت پر آج رات پاکستان پہنچے گا۔

ذرائع کے مطابق افغان طالبان کے سیاسی دفتر کا وفد ملا عبدالغنی برادر کی قیادت میں اسلام آباد پہنچ رہا ہے جبکہ یہ وفد وزیرخارجہ شاہ محمود قریشی کی دعوت پر پاکستان آرہا ہے۔

ذرائع کا دعوی ہے کہ افغان طالبان کا وفد دوحہ سے اسلام آباد کے لئے روانہ ہوگیا وفد افغان دھڑوں کے درمیان مفاہمتی عمل کے حوالے سے پاکستانی قیادت سے بات چیت کرے گا۔

یاد رہے گزشتہ ماہ افغان طالبان نے ’افغان امن معاہدے‘ کے تحت اور اپنے وعدے کے مطابق ایک ہزار سرکاری قیدیوں کو رہا کیا تھا۔

طالبان کے ترجمان کی جانب سے جاری بیان میں کہا گیا تھا کہ ’قیدیوں کی رہائی کا مقصد افغانستان کے مسائل کو پر امن طریقے سے حل کرنا ہے جس کے لیے ہم ہر وقت تیار ہیں‘۔

علاوہ ازیں افغان طالبان کی جانب سے عید الاالضحی کے موقع پر افغانستان میں تین روزہ جنگ بندی کا اعلان کیا گیا تھا۔

عید کی جنگ بندی کا مقصد ہموطنوں کو عید الاالضحی کے موقع سلامتی اور اطمینان کے گزارنے کا موقع فراہم کرنا ہے، افغان طالبان کے بیان میں کہا گیا تھا کہ اگر اس دوران اگر مخالفین کی جانب سے کوئی کارروائی کی گئی تو اس کا بھرپور جواب دیا جائے گا۔

انہوں نے کہا تھا کہ جنگ بندی کے دوران افغان طالبان حکومتی کنٹرول والے علاقوں میں داخل نہیں ہوں گے نہ ہی حکومتی اہلکاروں کو طالبان کے زیر اثر علاقوں میں داخلہ کی اجازت دی جائے گی۔

Click Here for All Latest News 2020

 

26 thoughts on “افغان طالبان کا وفد وزیرخارجہ کی دعوت پر آج رات پاکستان پہنچے گا۔ا

Leave a Reply

Your email address will not be published. Required fields are marked *