’گو کورونا گو‘ بھارتی رکن اسمبلی نے کورونا کے ساتھ احتیاطی تدابیر کا جلوس بھی نکال دیا

By | April 6, 2020

 

نئی دہلی: دنیا بھر میں کرونا وائرس سے لڑنے کے لیے مختلف ویکسینز اور دواؤں پر کام کیا جارہا ہے تاہم بھارت میں حکومتی ارکان کرونا وائرس کے خلاف مشعل مارچ کر کے نعرے لگا رہے ہیں۔

بھارت میں گزشتہ شب وزیر اعظم نریند مودی کی اپیل پر کرونا وائرس کے خلاف جنگ میں اظہار یکجہتی کے طور پر 9 بجے 9 منٹ تک موم بتیاں روشن کی گئیں۔

اس موقع پر ملک بھر میں لوگوں نے اپنے گھروں میں، گھروں کے باہر اور کھڑکیوں اور بالکونیوں میں شمعیں روشن کیں۔

ایسے میں حکومتی پارٹی کے رکن اسمبلی راجہ سنگھ ایک قدم آگے بڑھ گئے، وہ اپنے سپورٹرز کے ساتھ مشعلیں اٹھائے باہر نکل آئے اور اس دوران کرونا وائرس کے خلاف نعرے لگاتے ہوئے گلیوں میں گشت کیا۔

راجہ سنگھ اور ان کے حمایتی گو بیک چائنیز وائرس (واپس جاؤ چینی وائرس) کے نعرے لگاتے رہے۔

سماجی رابطے کی ویب سائٹ ٹویٹر پر لوگوں نے ایم ایل اے کی جہالت پر افسوس کا اظہار کیا جبکہ کئی افراد نے ان کا مذاق بھی اڑایا۔

 

 

ایک صارف کا کہنا تھا کہ کیا یہ واقعی اتنے ہی جاہل ہیں؟

 

اس سے قبل بھی ممبئی کے ایک کونسلر کی ویڈیو وائرل ہوئی تھی جس میں وہ پوجا پاٹھ کرتے ہوئے گو کرونا گو کے نعرے لگا رہے تھے۔

خیال رہے کہ بھارت میں اب تک کرونا وائرس سے 4 ہزار 314 افراد متاثر ہوچکے ہیں جبکہ وائرس سے 118 افراد کی ہلاکت ہوچکی ہے۔

 

Leave a Reply

Your email address will not be published. Required fields are marked *